IANAO AHO

Ianao aho raha miova loko
Ianao aho, efa niofo
Ianao rehefa fihetseham-poko
Efa ianao hatramin’ny nofo

Noho ianao raha maloka andro
Ianao no kintana, masoandro
Hazavana isanandro
Ny rehetra toa mpanandro

Mahalala izay momba ahy
Hoe izaho very fanahy
Hafahafa tsy toa ahy
Noho ianao izay manahy

Tsy haiko afenina, tsy hay
Ianao aho, efa izay
Ianao aho, sahisahy
Ianao aho, tsy mety fay

Izay tsy izaho dia ianao
Dia ianao no fahalemeko
No ianao izao rehetra izao
Dia ianao no fahendreko