NY FITIAVANA

Na lehibe na mbola zaza
Hisokoany moramora
Tsy mampandre, tsy mampilaza
Tonga ho azy rehefa ora

Tsy mampitombona ny saina
Toa mitondra fahabangana
Mampijaly, mankarary ny aina
Kobonina, mainka tsy tàna

Fa mitady hiantefana
Dia ilay olona any ho any
Ilay ranomainty tsy hay fafàna
Mampirehitra vinany

Tsy mahadiny ny irery
Zary toa mampanonofy
Raha tsy afa-po, mamela fery
Satriny ihany ianao farofy

Fa ny heriny hirifiry
Hasambarana tsy mety lany
Faniriana mankadiry
Fo mitempo sesilany