BABONAO

Ny amiko iray manontolo
Babonao ry sombiniaiko
Efa babonao daholo
Babonao ny fo sy saiko

Babaonao, tsisy analàna
Babonao, tsisy tavela
Babonao, tsy teny hierana
Babonao efa ela

Babonao ry tiako loatra
Babonao ka tsy hay…
Ny ato am-poko efa mandroatra
Babonao ka mamay

Mitempo anao sesilany
Mivavaka amin’Izy Ray
Babonao ka te ho any
Te hifankahita indray

Fa ianao no fanafody
Aretiko raha lavitra ahy
Anilanao aho tsy te hody
Babonao ny fanahy