HAFAHAFA

Hafahafa ny tontolo
Hafahafa aho, tsy salama?
Tsy eo ianao ka hafa daholo
Hafahafa ny tanàna

Na ny rivotra mitsoka
Na ny taratra hazavana
Hafahafa, hafa loko
Hafahafa hafanana

Hafahafa izay jerena
Hafahafa izay henoina
Hafahafa aho, mivembena
Miteny irery tsy tsaroana

Ny ato anaty hafahafa
Hafahafa toa maratra
Ny rehetra hafahafa
Hafahafa tsy mahazatra