HISARAKA

Raha isika no hisaraka
Dia hiezaka hanadino
Hoe ny rehetra rano raraka
Toa hahagaga, tsy hampino

Enga anie tsy hisy izany
Mba ho lavitra ahy sy ianao
Raha hisaraka eto an-tany
Aina no enti-mifandao

Faty anie no hisarahana
Fitiavana no nampiray
Raha misy tsy fifanarahana
Tànana no hifandray

Dia hifankatia hatrany
Tsy hieritreritra akory
Hoe hisaraka, hitomany
Tsy hitady izay mahaory