TIAKO FA AHY

Tiako fa ahy, tsy atakalo
Tiako fa ahy, efa nohekeko
Tiako fa ahy na be fahavalo
Tiako fa ahy, tsy hoseko

Tsisy tsara toy ny ahy
Tiako fa ahy, tsy haratsiako
Tiako amin-kalemem-panahy
Tiako fa ahy, tsy hariako

Fa ny ahy, efa ahy
Tiako, tiako noho ny hafa
Ahy tsy amin’ahiahy
Tsy hisy hanala, tsy hisy hamafa

Tiako fa ahy, tsy zaraiko
Tiako fa ahy, mahasaro-piaro
Tiako fa ahy ka lalaiko
Tsy hitambarako amin’ny maro

Tiako fa ahy, mandrakizay
Tiako fa ahy ka zakaiko
Tiako fa ahy ka rehefa izay
Dia hotiaviko sy hajaiko