IANAO IHANY

Raha nandinika ny saiko
Mieritreritra ny zava-misy
Ny any an-kafa no tsy haiko
Fa am-poko toa tsy misy

Tsy misy tsapako toa anao
Tsy misy tsapako mitovy
Ianao ihany no toa anao
Ianao ihany ka tsarovy

Fa efa fantatry ny foko
Efa masaka ato an-tsaiko
Ny eritreritro na hovonoiko
Mahalala izay ilaiko

Dia ianao, tsy misy hafa
Toy ny foko, iray ihany
Ny ankoatra anao, hafahafa
Fitiavana daholo izany