ITY NY FOKO

Mavesatra tiako zaraina
Feno loatra efa mitobaka
Omeko anao ry tokan’ny aina
Omeko anao tsy hisy handrobaka

Omeko anao fa mandoro
Omeko anao fa marary
Ity ny foko torotoro
Raiso fa tsizarizary

Feno anao, efa hitritra
Mikiakiaka mitomany
Ity ny foko fa maditra
Mila anao, ianao ihany

Fa ianao no efa voafidy
Ho mpitsabo hikarakara
Ity ny foko fa tsy amidy
Feno fitia mangarahara

Raiso raha mba sitrakao
Ity ny foko mitalaho
Raiso re ka hanjakao
Ity ny foko fa efa anao