MATOKIA

Matokia ry nofinidy
Matokia fa ny havanao
Tokam-po, tokan-tsafidy
Tsy mahalala afatsy ianao

Matokia fa ny foko
Tsy mahay mitempo roa
Tsisy akanga tsara loko
Rehefa ianao no ao an-doha

Matokia fa n’iza n’iza
Tsy mahasolo izay nekena
N’iza n’iza hikizakiza
Ahy sy anao ny fandresena

Ka n’ino’ n’inona miseho
N’ino’ n’inona mafaitra
Ny hoavy no jereo
Matokia fa aza taitra