NITIA

Raha nitia aho dia nitia
Nitia tsy nisy hoe nahoana
Fa nitia tamim-pitia
Tsy nitia hoe tiatia foana

Fa nitia aho ka nitia
Dia nitia ilay malala
Dia nitia, nanary dia
Dia nitia tsy nahalala

Fa nitia, nitia anao
Dia nitia tsy nitantara
Fa nitia t’anaty tao
Nitia irery tsy nizara

Satria nitia tsy niambaamba
Tsy niandry anao akory
Nitia anao toy ny jamba
Tsy nahita izay nahaory

Fa nitia toa vao nitia
Nitia anao sy mbola hitia
Nitia, tsy nisy hoe satria
Fa nitia ka matokia