OTA KELIKO

Hifonako amin’ilay nahary
Ny ota keliko, dia ianao
Haiko fa tsy dia manjary
Nefa dia niniana atao

Ny fitiavako anao
Mihoa-pefy sy maditra
Fahotako tsotra izao
Tia aho sy mitsiriritra

Anatiko ao, mifamahofaho
Efa diso lalim-paka
Tsapako fa tiako ianao
Ota keliko manjaka

Satria tiako noho ny lanitra
Mangeja nefa tsy hovahako
Sanatria toa Andriamanitra
Hifonako raha fahotako

Tsy ho afako intsony
Tsy ho afako na mampangovitra
Ota keliko ny fony
Efa tandra vadin-koditra